企嶺下時光

這裡有我喜愛的, 太陽、大海、藍天與平靜..

Saturday, September 01, 2007

做媽媽是怎樣的呢...


在暑假尾段,在追看「十四歲媽媽」,這套劇是要看的,雖然免不了煸情的部份,但我佩服日劇能細緻描繪主題的能力,它們是有去研究過,自閉症的孩子和媽媽是怎樣、教育是怎樣的一回事、十四歲有BB又是怎樣的一場戰鬥。有衝動完整看畢的「與光同行」「女王教室」和這套,都會令人在感動的同時,想著不同的社會/個人問題。

近來很有生仔的慾望,怪要怪荷爾蒙,與同齡友人證實了!又要怪友人的仔仔,見過他一晚後,第二天又想去找他,掛死人喇!其實近年是確定會生仔的,所以傾生仔、湊仔的總是比結婚多!結婚,對我來說,最重要的部份,是求婚啦(夢想中是感動的)、影結婚相(第時睇番會覺得很甜美的)、和在酒席上向家人說一番我覺得本來要在拿金像獎時候說但沒得唯有在自己地頭說的一番感謝說話!這段說話久唔久就會在腦海中浮現,只要想下都會眼濕濕的!(好誇)哈哈,其實想向很多人說謝謝及感受,因為我覺得每個遇上的人,也是造就自己生命的一部份,有些更對我有很深影響的啊,但想想下又覺得會用上很多時間,自己就話知,人地悶爆啦,咁點好呢...

說回生仔,看著「十四歲媽媽」,摸著自己的肚腩,我有時也覺得自己有左的!!(哈哈!)唔知會點既呢?真係好奧妙啊!一路大一路大,佢又會郁呀,轉呀,跟住就走左出黎!嘩!好得意!我已經決定到時要自己生,BB經陰道出是健康d的,好似是因為殺菌及減少身體敏感問題等等,更重要的,我覺得,唔痛過又點算生左仔呀,我問一位剛生完仔既同事,她說開刀後,只是落床時感到痛,噢...!然後我想辭工自己湊,(妹妹不要告訴媽媽住!)雖然是生活緊一些,但我又是想像不了,不是自己一手一腳的,怎可以和BB建立attachment呢,就像每天也回家吃媽媽的飯,這樣是不會學懂做飯的,我不想,工作幾時都可以吧,但BB一天一天長大,時間總不會倒流的。或是找些補習啊!

想來想去,又想來想去...仍是得過想字!噢!!

5 Comments:

Anonymous Anonymous said...

想想也覺得興奮~
不過,不要做34才之母啦~~

10:51 PM  
Anonymous Anonymous said...

係呀!
真係要買定黎手!

11:26 AM  
Blogger ching said...

我地呢個年代真係有好多老媽媽,唔好話三十四才, 四十三才之母都有。不過廿至三十才是女性生育的prime time, 過左就可能都母子身體都不太好。

早排在香港認識0左一個真係可以使人溶化的4.5才小男孩, 真係呢...俾佢霖到呢...

昨日看中醫, 個醫師話我個脈好強, 如果要懷孕要生仔咁話,哎呀搞到我呢。

芝芝仔, 等你生0左過我玩喇, 我等你。

7:46 AM  
Anonymous Anonymous said...

很喜歡看妳寫的東西﹐每每讀到感動處﹐妳那些芝芝細胞就會爆發﹐神來之筆一句“..唯有在自己地頭說..." 又或者 “...我有時也覺得自己有左的!!” 真的是笑中有淚。

(回正題)快D生返個啦﹐我湊bb未必得﹐但玩bb一定唔會辜負妳所望。妳生得出﹐一定係開心bb﹐肯定爆笑過妳。

忽然被妳搞到好期待tim...

(痴線﹐講到好係妳真係就黎要生...)

(wa hahahahahha)

4:22 AM  
Anonymous Anonymous said...

嘩!多謝妳呢位粉絲
(因為我自問覺得寫既野好悶同好表面的,又很個人化)
我反而喜歡看妳的,妳要寫多d啦

喂不如約埋一齊生啦!
開枱都有腳呀ma
跟住我地就o係後面un un 腳乘涼!
然後同佢地講阿媽後生時會herr公園既事跡!

11:14 AM  

Post a Comment

<< Home