一團和氣

豬年快樂哦!!

不過呢, 又再一次證明喜慶節日要喜慶, 有時只是一種迷思(Myth!), 而初三赤口卻一一應驗。

最討厭的三件事.......

(一) 訓唔著

一向最怕最憎訓唔著, 因為訓唔著的第二日勁辛苦, 很累但又不敢訓, 精神又差, 個樣又殘, 判斷力差, 無胃口, 無心情... 訓唔著時叫自己快d訓, 但係愈叫就愈緊張, 仲訓唔著, 跟住又諗其他野, 又諗訓唔著既後遺症, 諗諗下又訓唔著.... 總之訓唔著就勁慘, 通常就唔會咁既, 除左長假期後的上學前一晚, 又或者.... 夜晚飲左茶!!!!

係喇!!!! 就係飲茶啦!!!!!! 別人是飲咖啡提神, 但我就是飲茶啦!!! 當然我是不小心地因為去了酒樓吃晚飲所以飲了茶啦!!!! 在這假期已經是第二次發生了!! 激氣!!

(二) 有蚊

訓唔著已經好討厭, 再加上--有蚊!!!! 當差不多入睡時, 「嗚...嗚.....」拍! 打不死!! 開燈, 聰明的它又不見了, 關燈, 「嗚....嗚.....」從National Geographic Channel, 我知道蚊是看不見人的, 是靠感應熱能去針人, 於是我就用棉被密密的蓋著自己全身, 不是怕窒息的話是會連頭(面)也蓋著的, 好了! 你感應得到也吉不穿棉被吧!!! 但.. 很熱啊!! 熱, 就要拉開將被.....又令它更雀躍!! 咦....!!!!

(三) 有人發脾四

赤口天一兩朋友已應了節, 估不到我到初四應了景。說準一點不是赤了口, 是赤了氣!! 因為最後我選擇不跟他對話, 只是對了氣!! 是呢, 我理解一二三樁壓力事件確令人煩擾, 但, 說到尾, 是Auntie的牛一吧。怎樣也不是適當時候去表現真我吧, 如果是我的生日, 我一定會說「我要下車」, 跟著像電影片中, 有型的揮袖而去!(Cool....不過還要記緊行前d去截巴士！) 昨晚很想開火,但忍忍忍, 是Auntie的生日!! 回到家, 想想現在開火他也聽不進的, 還是去訓覺, 反正訓得著, 不過, 又有蚊!! 可惜今晚蚊子遇上氣人, 一轉身, 著了燈, 一手掌狠狠的打到了!! (勝利!!) 一手血, 原來牠吃得太飽, 飛慢了....

不過呢, 雖然是氣頂的一天, 但晚上吃的那上海店確是一絕哦!大家可能聽過台灣的那間開到成行成市的「x泰豐」的小籠包很好吃, 雖然我去過吃, 發現並非如此, 因為太商業化了, 好像麥記, 這一間的...... 如果我要給她一個牌「扁」,那就是「皮簿餡靚」,無論是小籠包、雲吞、豆沙鍋餅、酸辣湯、粉皮、上海粗炒.......... 都是「皮簿餡靚」,大家必定要試!! (看不清楚呢.... 是天后銀幕街16號 地庫或紅磡火車站國際都會商場743-744號, 不過天后總店應該好味d, 哈哈!)