企嶺下時光

這裡有我喜愛的, 太陽、大海、藍天與平靜..

Monday, September 15, 2008

忙透了的中秋佳節

踏入9月,除了忙開學,便要進入籌備結婚的嚴密狀態,加上,我係未影結婚相的!!
中秋節的禮拜,由星期三開始便連環做,買男衫,最後confirm婚紗/晚裝,借頭飾影相,陪爸爸媽媽妹妹租衫...
支力到呢...
而星期日,更開始了我們invitation card的製作
話說我地會攪下午酒會證婚,咁就構思張card點整,一輪brainstorming後,便得出以memory為主線,到與賓客有回憶的地方,影相,然後連環圖地製成invitation card..雖然是費力費時,但我地覺得,這是可以與朋友們連繫到一點點的地方...

在此真的十分感謝貓太,她很累很累仍很用心幫我化妝set頭(當時真的感到很sweet呢),雖然她猛說自己很久沒做,會哪裡不好,但我卻覺得妝很自然,高高的「繼」又與我的白裙子很配呢~~
還有就是梁妹妹x2,一位擔當invitation card designer, 一位充當看車員...多辛苦呢~~

雖然那天很熱,但的確很好玩~

第一站:梁生工作點--二坡坊
側邊走過的一大一小街坊,就咁樣,成為我們的一份子


第二站:尖沙咀中心
點解去呢度?因為梁生小時候和幾個o靚仔死黨,經常係呢度玩捉迷藏,仲玩到比管理員捉番轉頭,而今日,就變左我地捉啦,超好玩,原來係商場狂奔係咁爽~(不過今日既管理員只管坐著打機...-.-)
你地搵到我嗎?!!!!


然後,發現一條唔郁既扶手電梯,攝影師妹妹突然叫我地扮「重慶森林」,好有電影感呀~~



因為我多次笑到喊,咁梁生就遞來紙巾,妹妹突然影左呢一幅,狀似白粉交易既相嘞!


第三站:乙明聖心
這是我和中學同學常常走的天橋,因為學校總是說唔比我地就咁過馬路,所以每天放lunch,就係成大班人,好乖咁上天橋又落天橋,過對面路開餐...影的時候,己是黃昏,但天色很soft,很美。特別推介樓梯既圖案,原來咁樣影上去,那些條子同圓圈係咁好睇的...


收工!! 很累,雖然忙透了,但是,這個中秋節很快樂!!!

6 Comments:

Anonymous 羊婷 said...

相片照得很漂亮! 很羨慕可以扮重慶森林(如果有空姐制服又或90年代初look長裙兼有色太陽眼鏡會好勁﹐哇哈哈哈哈哈哈哈哈) (sorry,離左題﹐重點是你們這套這麼personal的訂婚照)
真的很好看! 這樣比在影樓照有趣有意思多了。﹕)
恭喜恭喜!!!
ps.芝記﹐我們年底會回港。你們結婚後會立即渡蜜月嗎? 近聖誕節會不會在港?

3:18 AM  
Anonymous 芝記奶茶 said...

婷記燒臘,謝謝你的讚賞~~
那天拍完回家一齊睇番,真係笑爆咀咀,其實post出黎呢d已經是比較近典型的結婚pose,其他的都係影下背面呀,走路呀,或者坐著,全部唔比笑,同無咩近鏡,哈哈~
我有走到以往我地成日放學hea的乙明隱蔽公園仔,發現已經唔同晒(擺設上),不過會再帶些pops再試下影的...
我地結婚後第二日就打算拖埋行李,去長洲!!佢話長洲明愛營會有職員免費,只須比我一人就得嘞!我估三日兩夜啦,游下水,享受下海天一色,行下夜市咁啦!!! 哈哈~~
所以,你一定搵到我的,放心!!
好好享受你的28/9啊!!!~~~(影多d相黎睇)
祝福你們~~~

9:07 AM  
Anonymous Line 2 said...

好想睇

6:05 PM  
Anonymous 婷記檸賓 said...

其實越唔所謂典型既相就越有型。好想睇埋你地其餘個D相!! 得閒就post上黎喇。:)
去長洲好﹐舒舒服服﹐香港冬天其實幾鬼浪漫﹐預祝你地甜甜蜜蜜。
等我翻到黎﹐互相慶祝一下!! 再去清風街﹐又或者妳招呼我黎西貢!! :)

10:08 PM  
Anonymous 芝記 said...

想睇相!?嗯...要等啦,因為要designer組織下,我地預算還要影多一日半到,才完成所有spot...
其實這幾幅是我最喜歡的

擰賓,到時梗係要黎我度坐下啦,等我煮些撚手意粉過你地食~~

9:11 AM  
Anonymous Anonymous said...

算您啦..有特別鳴謝我.....不過您都係太台舉我喇.....

又整意粉招呼朋友....唔好整咁大碟喇....

6:08 PM  

Post a Comment

<< Home