企嶺下時光

這裡有我喜愛的, 太陽、大海、藍天與平靜..

Monday, October 13, 2008

過大禮


很久未有記事,皆因家中電腦已壞上一個月,加上都無咩時間可以坐定定的
上上禮拜六,過大禮啦
原來過大禮係咁好玩的,星期五晚,我放工後就去奇華拿之前訂了的禮盒,(梁生要返夜)大家(包括梁生、我、爸媽)都以為只係幾個長方形既盒,我去到,執了12個禮餅,姐姐拿出3個長盒,「就係咁多啦係咪?」「唔係!!呢個係禮金盒,呢2盒係龍鳳餅..」「咁....過禮盒呢?..」姐姐指指地上,「嘩!!!咁多既?」「一個底盤一個蓋,咁一對ma」,就係咁,我一條友攞住呢抽,再加3個盒(內附一雙大大龍鳳餅),再加12個禮餅,去搭小巴。當然,震驚既梁生同肥李太立即叫我截的士,但!!我對上一次話要截的士,要算我那次跑步後肚子非常痛苦下,我才叫了一句「截的士」,但最後也只上了小巴!!我係唔會咁容易輸比的士嫁!!!

就係咁,迫上小巴,但人們總會覺得,你辦紅事會行個方便,例如有人幫你推門(其實係見你一個弱質女流拿住仲要係過比自己既禮啫),司機呢,就話人不行上來,咁人地(我)點攞開d野呀等等...

第二日,找來好命公好命婆相伴過禮,我就早點上沙角,然後「喱」埋係房,靜待有人來提親,(雖然阿爸阿媽同梁生堅持說過禮不是提親,提親是早一些的),我當然唔制,我躲起來就等,等呀等,等呀等,佢地黎到就竟然同爸媽傾下呢傾下路,飲下茶,媽咪仲叫我出黎啦,我當然唔制,要他問媽媽d禮o唔ok,媽媽說ok..咁嫁唔嫁得呀?「嫁啦嫁啦」媽媽笑笑說,咁我就跳出黎嘞!!咁先係過大禮嫁ma~~

4 Comments:

Anonymous 羊婷 said...

恭喜恭喜!!!(過大禮) 好野好野!!!(過提親兼媽媽話嫁得) 佩服佩服!!!(竟然咁樣的士都輸比妳﹐真係輸比妳)嘻嘻嘻嘻

5:57 AM  
Anonymous 心急人上 said...

你究竟個晚點jack?

9:20 AM  
Anonymous 羊婷 said...

個晚﹖過得好快﹐但係我同何生都好滿意﹐無mei煙花遊戲大龍鳳﹐簡簡單單食下飯影下相﹐中間仲有D時間可以週圍同自己的朋友閑聊兩句。 其實﹐當日最記得同最唔捨得係朝早係教堂行禮既時候。﹕) 我係羊婷寫低左D野﹐得閒去睇睇。 ﹕)

9:27 AM  
Anonymous line2 said...

好幸福的感覺

6:36 AM  

Post a Comment

<< Home