想去睡啊

呢兩個星期真係做X了,上課活動訓練講座開個案會又爆幾隻難攪既case,一隻case用上我50%的精力與時間,雖這樣說,但我不會氣餒,因為仲有得"猛"的,只是,在學校就不斷同訓導呀老師呀那邊傾,空堂也拿來見個仔,臨時臨急開個小組,寫recording也用上幾小時,第二日再準備見家長,今天放學原訂見爸爸,因他有事來不了,改了星期一,也好,讓我可以抖一抖氣...事關近日放工後呀搭緊車都不時要諗下要點幫個case...

當然,晚上還要準備結婚的東東...一年多前準備的東西,到最後衝刺的月份,全部都要detail的想,去同人傾,要confirm,好多野,也是迫在這幾星期發生。今晚派帖了,是第一群呢,中大同學!! 雖然很累,但當見到她/他們一個一個reply「yeah!! pls count me in!!!」我都覺得好感動!!你要知道而家出面經濟幾差,而我身邊的朋友都頻說這幾個月竟然高達5-6-單飲宴,人地點解要黎你度呢!! 所以,你來了,我真的很感動啊!!

好啦! 今晚派中大, 就post張中大既invitation card上黎,我地每個邀請既朋友組別,都去番大家回憶既地方,影低一d情境,在此,再次多謝老公妹妹Olive既細心,讓我地擁有了這些咁特別既邀請卡,希望收到既人都有同感啦!!