企嶺下時光

這裡有我喜愛的, 太陽、大海、藍天與平靜..

Saturday, November 15, 2008

結婚前緒言

已經很久沒有經歷這麼大的壓迫,一年前開始準備的所有東西,以為好似已經準備了的東西,彷彿在這個月間一次過湧出來,洪水猛獸,每天幾十隻撲出來,約來賓,打電話,打email,confirm?未confirm?點比你?print喜帖ma,我自問admin功力都ok的,亦不討厭,但是沒時間做。家中沒printer,沙角家的總走位,要偷偷在XXprint,但每天工作完已經6點幾....而身邊的那個,做到仲瘋癲,皆因我地由invitation card,結婚照,音樂+影像,連同兩段影片,及backdrop,都棄用別人給予的,別人由影相公司一次包辦油畫架,一本本的,我們就要度度那11張攝影朋友的相,放大到什麼size,用什麼output,怎樣的擺放,別人backdrop的法寶膠字體,我們想做亞架力膠,2場進場音樂要造的,要排練的,其實還是ok的,如果我們不用上班。但我們卻不約而同地捉虫,竟然各自在這兩星期安排了大function,你話係咪低能。

人都癲,我癲了。

想訓,每晚12點幾先訓得,自己個樣因為大壓力同唔夠休息,愈來愈殘,好嬲。容易發脾氣,幾次想開火了,幸好在電話中,見唔到樣都還好的,呢個時候,吵了,更不智,知道是大家太大壓力,不夠ram的,無謂為發洩而更耗精力。

今天,相約了沙角同事,部份更是我小時候教我的老師,飲茶,9:30去搵位,開開心心的談天說地,把未準備好的姊妹會改期了,真不好意思,因為我真的頂唔順,而且我未執好rundown同分工表,下午,一邊繼續做打電話、入data的工作,可以有時間聽聽歌了,之前連喊都無時間的眼淚,終於有機會排出來。聽著「車站」,幸而拾回和你結婚的甜美,這幾個星期,像石一樣沉海了。聽著「珊瑚海」,躺在沙發,閉上眼,身體就像在海裡一樣,我見到清清的海水和陽光。

4 Comments:

Anonymous 羊婷 said...

可惜幫唔到妳手﹐我都好明白個種壓力。其實每個人都想為自己大日子做一D特別小小既野﹐始終真係一世人得一次。不過做還做﹐記得主旨係開心快樂幸福。去到最尾﹐最重要係你地兩個人一起承諾同對方過一生﹐其他細節係點綴。點綴意思係喜上加喜。係因為快樂而做。

儘量可以就放鬆下自己(精神肉體思想情緒)。同梁先生一起去做個spa都幾好。

返黎見。

預祝結婚快樂!!

1:17 AM  
Anonymous 伴娘1號 said...

姐姐...好快攪掂架喇!! 唔駛喊啦~
快D笑下啦!!

^-^

10:04 PM  
Anonymous gigi said...

係~呢兩晚開始好d,一來斟茶的東西已經內判左比阿妹阿媽一手包辦,今晚亦同攝影師朋友食飯傾了當日的東西,又約埋final fitting,律師司儀同錄影的朋友亦已於黎緊兩星期日子內約定了,感覺終於穩定點了...
加上,今個星期的大function,已經做左一半了...好野..~~

11:59 PM  
Anonymous Line 2 said...

Line 1,加油呀!

2:40 AM  

Post a Comment

<< Home