爆笑停課記

停課啦!!!第一下真係覺得「係咪呀」,邊條友係收音機度咁講呀,咦!局長喎!!!唔係發夢喎!!!
為了證實,立即打比好同事比比,比比老公接電,我想我過度興奮的反應可能嚇一嚇佢,佢語帶理性的說「學生停課啫,我地應該要返去開會嫁」,又係呴,哈哈,仲諗住即刻落西貢不夜天ma...哈哈
沖緊涼既時候,電話不停響,一位男老師,在留言中很嚴肅地說「er...阿..李姑娘,郭sir呀,提一提你聽日我地照舊7點9開會既,雖然教育局話停課,我地係照舊7點9開會嫁...」然後再打去我沙角家,叫我阿妹話我知,之後副校長再打比我,一副非常危急應變機動既聲音,「助理係咪都要返?」我問,「而家打晒比我地呢一層先,佢地醒都會返,唔返都可以打去叫佢返,XX(助理)係咪搵你?」「或者你打比佢(助理),叫佢散個消息出去..」哈哈哈,佢地好認真同緊張咁,超攪笑!
其實停課了,家長講座/晚會/小組,學生小組,遠足,活動,見家長/見學生....通通都停晒。都咪話唔煩。打亂晒所有schedule

不過,真係好好笑!!哈哈!!