忙透了的中秋佳節

踏入9月,除了忙開學,便要進入籌備結婚的嚴密狀態,加上,我係未影結婚相的!!
中秋節的禮拜,由星期三開始便連環做,買男衫,最後confirm婚紗/晚裝,借頭飾影相,陪爸爸媽媽妹妹租衫...
支力到呢...
而星期日,更開始了我們invitation card的製作
話說我地會攪下午酒會證婚,咁就構思張card點整,一輪brainstorming後,便得出以memory為主線,到與賓客有回憶的地方,影相,然後連環圖地製成invitation card..雖然是費力費時,但我地覺得,這是可以與朋友們連繫到一點點的地方...

在此真的十分感謝貓太,她很累很累仍很用心幫我化妝set頭(當時真的感到很sweet呢),雖然她猛說自己很久沒做,會哪裡不好,但我卻覺得妝很自然,高高的「繼」又與我的白裙子很配呢~~
還有就是梁妹妹x2,一位擔當invitation card designer, 一位充當看車員...多辛苦呢~~

雖然那天很熱,但的確很好玩~

第一站:梁生工作點--二坡坊
側邊走過的一大一小街坊,就咁樣,成為我們的一份子


第二站:尖沙咀中心
點解去呢度?因為梁生小時候和幾個o靚仔死黨,經常係呢度玩捉迷藏,仲玩到比管理員捉番轉頭,而今日,就變左我地捉啦,超好玩,原來係商場狂奔係咁爽~(不過今日既管理員只管坐著打機...-.-)
你地搵到我嗎?!!!!


然後,發現一條唔郁既扶手電梯,攝影師妹妹突然叫我地扮「重慶森林」,好有電影感呀~~



因為我多次笑到喊,咁梁生就遞來紙巾,妹妹突然影左呢一幅,狀似白粉交易既相嘞!


第三站:乙明聖心
這是我和中學同學常常走的天橋,因為學校總是說唔比我地就咁過馬路,所以每天放lunch,就係成大班人,好乖咁上天橋又落天橋,過對面路開餐...影的時候,己是黃昏,但天色很soft,很美。特別推介樓梯既圖案,原來咁樣影上去,那些條子同圓圈係咁好睇的...


收工!! 很累,雖然忙透了,但是,這個中秋節很快樂!!!

時光快逝

開學啦！！就是超眼訓的,前三天要7:30到校,更是只睡了5小時便起床,事關要7點正上到車站,否則,就好似第一天,遲了3分鐘,而最樣衰係校長企係度「迎接」我...
細路仔真係有食飯嫁,其實只係個幾月無見,大得咁快既~
見到他們過來和我談談說說,真係好似見番自己仔女咁
有兩個o靚仔,仲攪笑地說「李姑娘我係XXX呀你認唔認得我呀」,其中一個我跟左佢成4年啦,我唯有回佢一句「傻瓜,咁你認唔認得我oY!?」
H同學更是和我一樣高了,想搭著他膊頭也有點困難
回想起,因為他,我認識了,也喜歡上自閉症。那時他只是二年級。
今日,他牛高馬大,下年升中學了。
第二天的小息,我見到他,守在廁所前的電制旁,原來他當上了風紀。
「你守這裡嗎?」我笑說,他平常地說「我熄燈呀」同學未上晒,他已急不及待關了幾個風扇,我說「要等全部人上晒去先關啊」
他一定很高興,因為有成十幾個制比佢禁...
然後,第三天第二個小息我才見到他當值,我問「你第一個小息沒有落黎呢,被老師罰嗎」他一邊走,一邊搖搖頭皺皺眉「頭先好支力呀...」(下...!??滴汗...)