貪婪的下午

今天是幾個月來最最輕鬆的一個下午
學校家長日, 連續見了6個case, 一時正便走了
和媽媽、剛劈豹唔撈的大妹、同是家長日的細妹
來了個下午茶, 我問媽媽今天我地三個和你一起飲茶逛街開不開心
她笑說「都係咁啦」「咁我地總得意過麻雀枱的三個吧!~~」她哈哈笑了

遇上按摩椅的展銷, 冒著被學生同事看到我訓著樣子的危險
打直訓在椅上享受了一餐免費的, 太耐沒有按了, 爽到爆!!!

和媽媽吃下午茶(又吃)後, 便自行搭小巴回家
又發生了小插曲
話說我和一名約中二三年紀的後生仔坐在最後二人位
當小巴轉急彎時, 突然ping ling pan lan, 單人位的紋身阿哥袋中大銀跌晒落地
他一邊和電話中人說小小, 一邊拾起見到的
接著他下車了
身旁的中二生立即彎身尋著尋著, 因為我們也聽到有些銀是碌走了的...
他尋著, 之後又望下我, 我就裝著沒理會
但心想「係咪有得執呀....」
接著他又下車
這時車上剩下我, 我在袋中找門匙時, 咦!!十蚊雞!!! 就在我腳邊哦!!!!
當然, 我是據為己有的!!! 咯咯咯.....

我的細佬仔

這幾天真的累極了, 首先是假期後的適應啦, 另外就是連續幾晚也要夜歸

最難忘的就是昨晚吧, 堅決走堂趕入嶺南看細佬仔的跳舞表演
原來是他們danso的annual performance
原本媽媽及妹妹還是不去的, 但細佬說要等下年才有的表演
那我就在12點鐘下定決心走一次應該幾有意思的一堂及會被扣分
媽媽電話還問「你d堂唔重要咩」「我覺得細佬重要d」
「細佬重要d」!!! 由細到大都無睇過細佬表演呢, 一定要去捧場啦
媽媽固然比我們每一個還要心急緊張及興奮
看見她望著細佬跳Yo Yo時, 她打從心底的笑容從未停止過
就像媽媽看見幼稚園表演的小朋友一樣
跟著又認錯人地係細佬... 常期盼著每場都有細佬, 老媽, 有8間院校同場表演的...

最窩心的, 還是中場細佬突然出現, 和我們傾計
媽媽又是說些食左飯未有d信你攞唔攞呢度有花旗參要點沖同聽晚返唔返黎
細佬就是蹲在媽媽身旁的聽著
還介紹我們給跳舞朋友認識哦
頓時感到細佬對我們的重視, 也不會嫌老媽的老土...

見到細佬的長大, 見到他表演時的熱忱與投入
真的花努力氣力去幹
知道嗎, 家姐心中真的很感動!!
你要加油!! 我最愛的細佬仔!!

圍困

我而家就係比眾昆蟲圍困住既企嶺街坊喇...
點解要得我一個係屋企就發生咁既事喎!!!
剛沖完涼, 想飲杯水, 黑色有半隻手指咁大既"格擇"竟然在黑色枱上行來行去
喂呀我隻杯
用電蚊拍一撥, 好彩走左出騎樓, 電話中的小生說不能救我, 叫我係廁所攞支殺蟲水迫走佢
我一入廁所, 蜘蛛!! 123456788隻腳!!! 天呀!!!
走入房, 點解有隻黑峰咁夜係度圍住支燈飛!!! 成12點喎!!!
喂呀我得一個呀!!! 有無人可以救我!　點訓呀.........
激死人喇!!!!!

新星

回校的第一天, 小豆丁又出事了
小豆丁, 九月剛升上小一, 父母給了我們一份報告, 是ADHD
一直, 我們也是這樣的想, 但上學期過後, 我和老師也發現, 他似乎不只是活躍哦
4支鉛筆, 一定要用最長的, 跌進了老師的電腦枱, 一定要拾回
我說我們沒有鎖匙, 開不到的, 他就說要找搬這張枱來的公司...
好幾次因為在講座中, 老師叫不中他, 答不了問題, 就拿不到獎,
又或在結業禮中拿不了學業獎及操行獎, 然後大聲哭叫
「我唔明呀我唔明呀」就在我房團團轉, 用上整個白板圖文並X地詳細解釋, 他才稍安一點
但是他又很逗人喜愛哦, 眼大大, 高度只到我腰, 問他為什麼早退, 就問埋早退遲到是什麼解
與他談起最愛的巴士, 他一講就是十分鐘
什麼legend, volvo, 環保巴士, 上層就是最舒適的, 還有大個會做巴士公司董事, 因為可以拿賺到的錢招聘人手(他知道做司機是不能「招聘人手」的哦), 還有由馬鞍山去新城市可以搭86K/85K,不過85K就唔入富安, 做司機的就要在那張枱(控制板)設計一樣東西可以讓司機見到靈件有無壞既(好有創意哦)..... 「好啦, 現在要上去晨讀了, 下次再同你傾過巴士啦..」「唔好....」
如是者一邊上樓梯又一邊講...
今天班主任叫我如下次晨讀找他傾計, 要預告他沒有了晨讀時間, 因為那天回課室後, 發現晨讀時間沒了, 又哭鬧起來...

今天, 原來他是搶同學食物, 還擲東西到大肚老師身邊...

他會是學校的第7個自閉症小朋友, 也是最聰明的一個!

稍休立正站好

完成了331的講座, 今天再做起明天交的功課
鬆一口氣
餘下的三樣功課, 至少可以分期執行
好不容易捱到復活假啊
可以稍停一下
好好為自己的下一步籌劃籌劃

昨日的演講, 到最後仍然是overrun
但是前幾個也如是, 我也不會客氣
雖然有點急, 但從攪手和之後幾位和我傾談的坐上客
看來有幾點大家倒是有點反思或刺激的
已經很足夠吧
能夠有機會把自己所想及所經歷和別人分享
其實是很享受的
機構給我的五百元書券, 我打算向校長要求給二百謙謙
在學校的三年, 在他和他媽媽身上, 得到的太多了
每次向媽媽說要用和仔仔做的計劃present, 媽媽總是不介意
提起她和仔仔的故事, 總會有點激動...
餘下的三百, 我想去買一套「與光同行」。