多謝阿闊

當我把阿闊送給細佬時
他望著, 笑了
說「多謝」時還錫了一錫我
真好啊, 如我所願, 能逗他一笑

我這個細佬, 總令人又愛又恨
說實我是很愛錫他的, 但又不能太外露
因為他的性格是cool cool的, 加上我早幾年和他的裂痕
細佬愛看書, 不愛讀書, 他有自己的一套原則
對事物的看法, 在媽咪傳統的孕育下
我和妹妹就是制度下的一群, 直升、大學、一份工
在媽咪心中, 我們就是中大港大
細佬倒不同, 他小學便會和老師對抗, 問「點解」
所以媽咪就是收到老師的投訴呀, 見家長呀
但我倒欣賞細佬這些能力與個性
不過有時他又好像未摸得清自己的方向

與細佬的感情, 他像是我的孩子
在我八九歲時, 媽咪晚上上班, 就是我在家湊一歲大的細佬
開奶量溫換片逗他睡, 個個都睡了, 黑媽媽, 細佬還在哭
我抱著他, 搖來搖去, 可能是天氣熱吧, 「細佬乖啦, 快d訓」
最記得一晚阿妹叫餓, 我一邊湊住細佬一邊要煮一丁
好lai hair, 但很難忘
細佬中五時好朋友突然離世, 見到他心情與性格的轉變
其實那早, 他向我說時, 手捉一捉了我, 我感到他的傷痛......
一次和他在家的大吵架, 每當我和他一起時, 我不其然都會避忌和心怯一點
很怕有一天會和他更疏離

近日, 他又再發生不快事
從細妹口中得知, 心又一沉
那晚, 他笑了, 我抱著他
出門口時, 我對他說「你記得用呀!」
其實, 我是想說「細佬, 無論發生什麼事, 家姐都會在你身邊的!」

繼續悠閒

再一次驗證自己是氣氛的動物
因為近日天氣涼爽感覺清新關係
再加體力勞動兩星期後的休閒日
心情平靜得很, 爽絕
9點起來看paper, 踏著昨日辛苦拖乾淨的清涼白地板
看楊千嬅的飯局
下午去了機構邀請我的嘉許禮
因為有拍我的分享到時播, 當然要去一看
點知坐第一行中間, 隔離已是機構總監, 再隔離是嘉賓何秀蘭
左邊和我傾談的, 後來才知是助理總監
早知著番條裙
到荃灣拍拖吃飯, 天涼了連拖手也興奮一點, 因為沒手汗哦
悠閒吃與走, 見到樣衰阿闊的快勞
很好笑
買了一個給自己, 逢星期二六上課也開心些
再買一個給細佬, 家姐不知如何支持他
希望阿闊可以逗他一笑

抖下先

終於可以休息一天了
十一點才被電話吵醒
這個多星期雖然很累, 但天氣很爽, 令人心情份外舒暢呢
反而妹妹就慘, 學校lai野家長講座還open day
做死人咩
所以今天在家悠閒打掃後便去替妹妹拿東西回家一齊做
印印印打打打
做班主任真不容易噢
最喜歡一個人, 一邊做家務一邊聽歌
今天主打是idol's idol, 第一首是無人駕駛
超耐無聽過佢把聲, 清新感覺有如西貢的天氣
期待中秋在家玩燈籠兼賞月哦~

哈哈~

講起英文名, 不禁想起當年沙角的笑料, 好不容易從歷史依貓中尋回, 睇番仍然大笑~~~
(還有兩則講我做性教育的笑料, 遲些再貼!!!)
*****************************************************************************
學校有趣事件一記

(1)

有位二年級同學仔,叫高錕

有天他在教員室門外徘徊,

我上前問他,原來他找英文老師

我問：「高錕,你叫咩英文名呀?」

「你講真定假o個個?」

心想：「咩有真同假嫁咩....」

「嗯..假啦」

「Leo」

「咁真o個個呢?」

「Kao Kwan!!」

「哦....」

(2)

高錕仔,他常常"斬"眼的

我問他：「高錕呀,你知唔知你成日斬眼嫁?」

「知呀!」

「咁媽咪知唔知呀?」

「知呀!」

「咁你睇野清唔清楚嫁?」

「清楚。」

「嗯,睇近野清楚嗎?」

「清楚。」

「睇遠野呢?」

「我睇遠野要用望遠鏡喎!」

William的困擾

前天, 小息期間到一仔課室坐下
不久一位有二仔高度男孩拿著一本英文簿行過來
一見他已經含住兩泡眼淚
「嗚嗚...... 我唔記得左我英文名點寫呀...... 嗚嗚嗚.......」(>o< , 咁得意既....咁就喊....?!)
一大滴, 索晒氣
「......... (lee lee lur lur) 我漏左個xxxx..... (又lee lur)係屋企..... 老師話要寫英文名, 我唔記得左呀....嗚嗚嗚......」
「而家老師幫下你啦, 你唔使咁緊張噢....」
「.........我叫William, 我唔識寫噢......」
說罷我寫了在黑板
可能他太亂了, 又問「嗚嗚.....有幾多個英文字母呀.....」
「你數下...」「1...2...3...4...5...6....7....」
跟住索回眼淚走回位, 努力又望又抄~
一個英文名已經令他感到解決不來嗎...?! 還是每次都用這個方法去叫人幫助呢....?
唔知好嬲定好笑

飛來猛

0840
未醒晒已經有一隻飛來猛
幸好今年的小一幾生性, 幾天都不需處理一些扯住欄杆唔入黎的
偶爾流淚的班主任已能處理得了
所以今天也可來見一見家長
差不多兩句鐘
她開懷的笑了
連忙說謝謝
其實是很有滿足感的, 但其實又不需做得很多的
就是不需做很多, 因為她/他們是做得太多了
太辛苦了, 而旁人也說得太多
我細心耐心的聽著, 偶爾在一些地方提些問題或角度
她/他也會因見到你的淡然而自然地說「噢~ 我是太緊張了嗎.... 我都知道了....」
哦~ 不用我說噢!
由滿面愁容至開懷歡笑, 雖然兩句鐘也很累
但很滿足呢~

兩個職業

鮮有地四點三離校, 直奔到比比同事家
很久沒有和人一對一坐下來傾那麼久的計, 就像回到中學時代
放學後, 在公園仔圍著傾傾傾, 傾自己傾人地傾心事
交流心得, 交換秘密, 原來大家還是年紀小~~

知道有不少同行也有失眠
真係慘, 有些是星期天的, 有的是一星期幾次, 有的更要吃安眠藥
似乎我也不是太嚴重, 但覺得大家好慘, 失眠是世上十大最辛苦的事哦

而我, 大概也是一些不知名的壓力吧
昨天見到我的可愛學生, 精神晒!!!
「李姑娘~~」「我有兩個職業呀...(咩職業呀....??!!!.....) 我做了組長同搬簿生呀!!! (哦...哈哈!!! 咁勁呀, 有兩個職業/責呀!!! 要加油哦!!)」
「李姑娘呀, 你平時係邊嫁, 成日都見唔到你既!!」「哦..你係咪掛住我呀?」(拿, 大家一定覺得呢個老師咁問好xx, 但係小朋友真係真心答的, 有就答「係」, 無就是「er....幾啦」, 好似你問你身邊o個個一樣)
今次答案是「係呀~~」哈哈哈!!!!!
如果一天, 我要離開學校, 我想會抱著他/她們哭哦

謝謝在我生命中出現的每一個你, 你們的笑容和彈跳,
那怕是喇沙男子監獄時的死靚仔
沙角時代時的超齡兒童
還是現在的你們
都令我的生活更有意思