革命

昨天,打勝了仗。雖然一切還未真正出現,心裡總帶點不安,但總算困擾了一個多月、每年一劑的大鬥法,攪定了。我清楚知道,我是要靠自己力量去爭取的。所以我很努力。也想定了要說的話,如何的反駁,如何堅定不反枱的語調。
開心的,是原來我在她們心中,仍是一舊掛起了的明爐叉燒。
我,只是要回我最基本應該要的,請不要再說一些好像比多左我的說話。
「好多謝你地幫我諗左呢d....,但....不好意思,我唔能夠接受呢個安排。」
嘩,英唔英?我對住最大既兩粒及我既阿head說出。
請不要蝦我。加上,我有幕後軍師,一名死淨把口既老pat pat。
多得你,不過我知,你是最大受益人。哈哈哈~~~

昨天早上乘小巴回校途中,腦袋中不斷想著一陣要同佢地拗的東西,這兩天,其實都有一位媽媽,前面咩住一個小BB,約三四個月大的,咁啱都坐在我旁邊,昨天,小BB眼丁丁望住我,我就腦袋一路想,望望他/她,很像我的(啋~),真的,光頭B(我細個時都無頭髮的,我覺得好趣緻,第時我既B一定要係光頭,否則我幫佢剃左佢),眼睛精精靈靈的,一名靚B啦總之(所以話似我)(講咁耐你想講咩?!),咁望住佢,我就心入面同自己講「我一定要加油同佢地拗的,為左,我將來既BB!!!」

所以,真係一鼓作氣的!但願,可以有新的一頁!!

試衫啦！

昨天有點鬱結的,因為繁忙又善忙的朋友仔,在未回覆我既情況下,飛走了去公幹!
那我怎麼辦?!究竟是和佢老豆傾掂了,還是怎樣呢,又不知到時如何處理..

鏡頭一轉,嘩!試衫真係好開心,好興奮,因為覺得自己好靚!!嘩!!!呢件又靚,個件又靚喎
那個sales又真的幾pro,好識做,又知你想要咩,一拿便拿出我最喜歡的紅色,同埋A-line旗袍
正爆!
都係自己衰啦,在房中查問如要多一件會多幾錢,sales問完uncle就給了整個package的special price
嗯...咁就要左total...5件,包括一件褂,說便宜又說不上,但又感到無咩蝕到底的,款式確是幾靚同特別的,同埋可以免費轉款同包頭飾,就真係朋友價了..

我想她是有同老豆傾過的吧...

仲有最開心是有兩對好姊妹義不容辭地陪我癲了一整晚上,有妳們和我一起經歷這些時刻,真的很幸福唷~~~

企嶺下的National Geographic

太經典了,要記下來。

話說係兩星期前既一個星期日早上7點幾,那幾天是刮緊風的,睡得正甜時突然聽到好大「拍拍聲」,拍拍...拍..拍拍...心想「嘉嘉添添(樓下的兩隻黑狗)又做咩呀..」再想「唔係喎,佢地唔係咁既聲嫁喎」,我地立即起身從睡房大窗望出去露台,嘩,見到有隻大鷹!!係度狂拍佢對翼!!跟住見到佢腳下仲有一隻,嘩!!唔通激戰交配緊?麻鷹捉雞仔?!sun記就走左出去睇下,大鷹見狀就飛走了,噢!!下面係一隻中型雀仔既屍體,原來佢食緊野,然後,再看,就係一地羽毛同幾條血路...>.<....好恐怖呀...National Geographic咩,當然!我係唔會出去嫁!!所以就派出食環署動物屍體處理組及防治組sun記奮勇抗敵,而我就負責開1比39清洗太平地...

其實再講,話說係暑假期間,我家也來了訪客老鼠先生,好記得那晚,我打開廚房門,著了關了整天的燈火,就在欄柵處,我遇見了他,他有點與別不同,不是黑黑的,像是一隻在郊外住了很久的田(老)鼠,難得的,是我見到他時,他正在一個有點深度的大煲中,吃著一筒芝士粉,他打橫了芝士粉,專注地吃,沒有注意到我的存在,然後,他終於看到我了,那一刻四目交投,真不知說什麼話好,一切好像盡在不言中,而兩秒後,他竟然繼續吃他的芝士粉,毫不放我在眼內,擅闖民居都算啦,當我無到就真係下唔到啖氣,我決定,關上門!!!(因為太驚了!!)

最後如何?食環處動物處理組及防治組sun記再次出動,在一片惶恐及叫聲中再開門,拿出武器「掃把」,他便知趣地落荒而逃了,由咬穿了那蚊網的大「孤lung」處逃去。

希望大家不要因此而不來我家,因為,這裡仍然是安全的。有動物處理組ma!!!

你們好嗎

好耐無寫啦,何解呢?除左係復課後爆忙外,其實係企嶺下既電腦唔知點解去唔到自己既網誌(好奇怪)(?!!)想另尋一處,不過,因為懶啦,煩啦,又諗,唔..好似遺棄了這裡的點點滴滴咁,所以無啦(好乎合我一貫懶理既style)

近況呢,不錯啊,真的從谷底走出來,心情輕鬆了,然後有力去處理工作上爆不完既case,然後感到自己應付得了,同學仔反應好了,同佢地說說笑笑,又開心d啦,仲有,星期五同好耐唔見既港大同學食飯,好耐無見既line2,同我一齊發現原來我們二都keep得ok喎,相對其他唔知點解「slide」左既同學仔,真係忍唔住在月台上哈哈大笑。那刻真係自娛得好暢快。

仲有呢,那兩位好同事,見佢仲多過見阿妹,那天,比比同事臨走時,見佢慢走了兩步後停一停,也覺得有點古怪,然後她捉實我既肥美手臂,說「你呀,有咩事要搵我地兩個,唔好一個人係下底(大家唔好驚,因為我office係地下而教員室係7樓)...」嘩,梘棟死啦~~~好耐無試過有人這樣對自己說,這樣捉住自己,那一刻,覺得世界著左光啦,全世界最靚係你啦,哈哈

希望,明天會更好吧。