我的第一次

快到三張之年,是第一次去比人攪--腳指,因為識了兩位靚太,那些放左學即走去電個水撥眼睫毛的少婦,帶了我去見識見識,但我一心以為比人修甲(腳)係好似腳底按摩的,會浸一番,然後搓老泥(有無咁誇...!!)(我以為),然後用鏟將積左廿幾年既死皮一次起清,將崎嶇不平既五指山(腳)還原成雪山,但....原來係無d咁徹底既服務,連一些皮也不見得被批下了(激氣!),個小姐仲話「你好似好失望咁喎」,我話「係呀」佢都唔醒水,幫我批番d,咁都抵d ma,最後,就幫我剪腳甲,修修,上油...完成後,我側邊o個個當然覺得ok,因為佢想我扮女人好耐了...仲叫我攪埋d手指...但我就最怕了,手指弄了好像不能工作似的...那就真的要過貴婦的生活了

然後,就是開女人針啦!!其實近日經常同佢兩隻野一齊,真係令生活徒添了不少歡笑,男同事K經常問我係咪平時工作好大壓力,(因為佢見我好似癲左咁狂笑),其實,我平時好斯文大方的,只是遇上兩個傻既,攪到痴痴呆呆坐埋一枱,哈哈哈,不過近月是很開心的,個人愈來愈嘈...哈哈!!得閒可以咁樣大笑癲下,真係好爽噢~~

要看的戲

記得對上一次睇戲,睇完出黎仲喊緊既,係一套日本片「藉著雨點說愛你」,講述女主角知道自己會因生仔仔而死,她可以選擇,但她仍然選擇與男主角結婚,生左一個仔仔,令我感動的,是男女主角間那些至死不渝,很愛很愛...

這是幾年後既第二套,一開始,我已經知係鬼片,又要驚又要睇就係我呢d,一邊震一邊又暗叫(好),點知,到左最後,竟然是要人哭的...

這是很愛很愛的淒美...

浪漫情歌

因為之前停課而不斷星期五晚星期六又開工既日子,今個星期總算可以停一停。Happy Friday和中大朋友聚一聚,回到家竟然有友人來我們家渡假,見到友人訓梳化也在所不計,第二日hea hea下又訓著左,心想這間屋倒真不錯呢~ 每次見到住在石屎森林既朋友來到,都好定神地看著外邊既藍天同橄欖樹...

星期六晚,又下雨了,下大雨而自己安坐家中,總是覺得好幸福。
喝了點紅酒,二人就打碟,點了很多浪漫情歌,聽著一些10幾歲情豆初開既歌,好像回到了從前,喜歡聽一些令自己回憶既歌,因為每次就讓自己再在那些感覺和片段裡再走一回... 好像聽張學友既「情書」,就想起中五時暗戀理科班一位男生, 嘩,佢係唱歌比賽唱「情書」,好聽到暈呀,lum死呀,跟住就成日乘機想識佢撞佢啦,見到佢又扑扑跳啦,真係好興奮,不過當時都只能講得上係d少女情懷既喜歡吧。想起情書,又想起曾幾何時,寫下幾十頁既情書,比那些很愛但對方不愛或永遠得不到的人,那些只有對方沒了自己既時刻,(真係青春啊~)又或者,曾幾何時,又收過一封用英文寫既情書,仲要最後有句用意大利文寫既「I love you」(對方是意大利人),哈哈!死未！

就係咁,過左一過回味既晚上。