聚舊

今晚和已經7年無見面的朋友食飯
好開心, 開心是那種暢所欲言、大說大笑的感覺
和浮現以前一些很難忘的片段
細個/青春時真的很簡單, 就是這些簡單, 令所有的體驗都來得深刻難忘
這些中學大學時期的朋友, 如果還會出來的, 是真的當時有一份真摯的感情
一齊做過玩過食過笑過, 雖然很久很久才見一次, 平時不會聯絡
但是一出來, 那感覺真的非常接近, 自己好像回到以前一樣
不需做一個要想好多顧好多的輔導員
可以做回小時候的自己

我很珍惜這種感覺和這一段段的情誼

自己訓

這兩天辛尼和家人去了澳門, 噢~ 我都想去, 未入過賭場, 又未飲過那裡的可樂, 奈何要返工。
今晚將會只得我一人在七百呎的地方睡覺, 這是我搬了出來住後的第二次, 幾天前已擔心會訓不著, 加上近日身子不好, 好幾晚都睡不了, 又或者半夜醒了一醒, 你可會覺得咁大個人都怕自己一人睡啊~ 噢~ 就是怕了~ 可能自小家中多人, 和妹妹三個迫埋一張雙人床的日子還要開心, 可以攣來攣去傾計唱歌玩同大笑, 在上架床訓下面就是妹妹, 細路又在格離, 自小就是這樣。在這裡就算自己早睡, 也知道他在外面呢, 唔駛驚~ 唔.... 不過今晚要自己訓了, 會唔會有賊呢?有賊呢我就諗住靜靜雞鎖自己係房, 細細聲打電話報警, 跟住繼續扮訓覺, 曾經聽過有家人, 真係有賊入屋, 兩母女知道但扮訓覺, 個賊仲係佢地身邊拿走電話..最後都只係劫財無傷人, 唔...

按章工作

今天看新聞, 才知道一日揸10幾個鐘既巴士叔叔嬸嬸
只有八千多人工
真係無良, 我好同意佢地講
每時每刻載住成百條人名, 仲要趕住時間唔好誤點
每當夏天我望住司機位, 成架車最熱最嘈個個位, 引擎聲, 死氣, 轟隆轟隆
座位很高, 根本同個軚係唔match既, 墊晒野都要嗚低的
仲係維持10多個鐘喎
真係人都癲
個d都係成日承擔住好多人既安危同安全既工作, 都唔會咁低人工
所以好支持三巴既行動, 賺咁多仲夠膽話「經營困難」
同埋「按章工作」都唔係唔工作, 即係稱職地工作, 呢個根本唔算係工業行動
咁即係話平時我地員工根本就係做多左同為件事好啦!!
所以這三日我都在家無聲抗議, 以作支持!!!

懲罰我講得太多了吧

前天發了一燒, 吃過藥, 是好過了
昨日咪再返工
上午還好地地,
點知上完四堂傾左3個家長電話見左幾個老師去左一個家長茶聚同最後見左一個家長個案後
把聲愈來愈沉, 愈來愈沙
我仲以為應該無咩事, 因為喉嚨只有少少痛
諗住慳d唔駛覆診, 飲多d水啦
點知一放工(即放鬆), 情況急轉直下
唔講野好似仲差左....你知我要靠把聲搵食

昨夜已經用手語, 又訓了一覺
點解, 今日連音都發唔到既....????

不要讓孩子承受這種記憶

今天病假, 才有機會回母校拿鎖匙
一直都很掛念在沙角的日子
和那裡的學生
從同事口中, 得知那個四個孩子的家庭
媽媽趁孩子上學時, 在家中吊頸
還要被最小的孩子放學回家見到
聽說四個孩子還凝望了媽媽數分鐘
仍未識反應
即使是我, 我也會呆住了, 並且聲嘶力竭
又怎能夠要只有七八九歲的孩子去承受?!
要承受至親的離開, 已是很極難受的事
為何還要目睹至親經歷這種傷痛??
叫人怎樣接受?? 大兒子說不能考試, 一坐下就想起媽媽
兒子說是自己不乖, 不明白媽媽精神病的辛苦...
最小的兒子在殯儀館呆呆的, 爸爸說他不舒服...
雖然這麼說很殘忍, 但如果我真的選擇了結束生命
為何要孩子承受這種記憶!!
這個影像是一輩子的, 如何活下去...

一月一度做家務

雖然七點醒了一醒, 但Sunday Morning Drive還是不要預我了
訓多三粒!!嘩~~陽光呀,成個月無見啦, 嘩~個地唔濕啦
心血來潮
立時開個孫燕姿
開機洗衫拍塵掃地拖地同洗碗
都是my favourite家務
因為有立即見到乾淨左既效果, 好滿足!!
那些抺野砌野將d野擺靚等等既"之味"野同大洗廁所同廚房
真係唔係一年一度既大掃除再加上我唔駛返工返學出街抖夠
都好難扯得我郁

其實對上一次「由我」主打做家務...應該.....
是成個月的事了
我有時都不敢打開一d好耐無郁過既門呀、電器呀、枱呀
總覺得後面下面是佈滿了蜘蛛網的
我家特別多蜘蛛的, 有次明明o係廁所蚊沙外見到一隻手咁大的
第二晚返屋企竟然出現o係廳中間
仲要打佢唔死
佢點入黎!!
不過佢都係為啖飯啫, 它佈既天羅地網又殺死了我地好多既飛蟻呀小昆蟲呀咁
所以如果唔係威脅到性命安全, 就一齊住啦咁

講起動物, 星期五晚家長晚會, 上小巴時還未落雨
去到半路, 喂!會唔會係過雲(大)雨呢...遲幾個站好停啦, 你知我有一條大斜路
卒之靚女鞋就一路入緊水, 仲夾埋沙石, 靚女裙如是
捱到番樓下門口, 喂!!大隻青蛙!!!??避雨!!!!唔好玩啦, 避係個開門手柄到, 我點開
手上無任何"武器", 惟有叫佢走
佢聽唔明, 仍在避雨, 喂蛙哥其實個度咁細係避唔到幾多的..
數分鐘, 地下戶主又不出來救我, 惟有用遮柄
失覺晒啦蛙哥

剛打完篇野, 出去諗住拉番個蚊沙
咦!!!大黃蜂!!!!????
又o黎?!

17年

那年我是十一歲

那晚很夜了, 但是特別新聞直播了現場影像
一片綠色的, 看不清楚是發生著什麼事
很多人在走著跑著叫著, 還有一些欄杆、木頭車、坦克、槍聲
其實不太明白, 不過已經很震撼
很恐怖
因為第二天知道很多人在綠光中死了

之後, 老師帶了我們上禮堂
很熱, 我們坐在地上
那時是二十四班的時候, 一位老師站在台上
讀出「絕食書」
老師在哭, 我們也在哭
知道發生什麼事了
那是我小學時其中最深刻的片段

所以在小學工作時, 也為學生上了這一課

第二次感覺和64最近的時刻
就是當年在學生會和林正做64特刊
因為要做油橋、國殤之柱和例行動作的聲明等活動
有機會真正認識歷史
出特刊的時候令我看到很多死難者和母親的故事
一是不要看, 一看就是很痛苦的
因為會看到母親為著孩子的正義而爭扎
明明是鎖在廁所的...
這也是我在學生會其中最深刻的片段
和林正兩條友兩三點好眼訓還在睇野鬥文打字

還有, 在街上被鎖在車裡, 壓到欄杆的時候
也和它很接近

阿光

「與光同行」又再播了
今次我一定不可錯過每一集

我沒有看過它的漫畫版
但日劇板準是很到位的
觸動

很喜歡里緒老師
她對自閉症的原則、堅持和耐性
當阿光躲在枱底的時候
她是用上一整天去造一間畫上Shinkansen和國旗的大屋
阿光在那裡就是過了十多天
老師每天就在他附近
做卡子
唱歌
叫他
直到一天
阿光感到安全
感到對老師做的卡子有興趣
他從屋子走了出來

望著媽媽的卡子
第一次叫了一聲「媽媽」

如果能夠做到里緒老師就好了